Lied für den Schultes

Aufgrund der großen Beliebtheit und Nachfrage kommt nun im Folgenden das Lied, welches eigens für unseren neuen Bürgermeister komponiert wurde.

Gedichtet wurde es von unserer Stubenmusik und vorgetragen bei der Amtseinführung. Die Melodie ist die gleiche wie des Stückes „Schatz kauf mir a Fahrrädle“.

An dieser Stelle auch nochmals ein herzliches willkommen an Herrn Alshebl, im Namen des Harmonika Orchesters Ostelsheim, und viel Erfolg für die kommenden Jahre!

Schultes, mir brauchet a Gastwirtschaft, a Kneipe duat´s uns au
Oft isch mr vo dr Arbeit gschafft, nach dr Kneipe isch mr blau
[: On mir kneippet mitanander, en dem Flegga omanander
bis mr blau sen mitanander du on i :]

Schultes, was isch mit dr Hessebahn,  die braucht Park + Ride
Fürn Schaugarta vom OGV,  tuat uns des sehr leid
[: On dia gärtlet mitanander en ihrm Garta omanander
Bis se gnuag hen wega dera HHB :]

Schultes, mir brauchet an Shuttlebus, denn es isch modern
Weil, mir kommet an d Haltstell net nuff, die isch viel zu fern
[: On mir shuttlet mitanander , bis mr gnuag hen mitanander
Rauf und runter und au manchmal hin und her :]

Schultes, mir traget d Oschdlzer Tracht, des isch net modern
Mr sieht uns hier in voller Pracht, mr traget se trotzdem gern
[: On mir trachtlet mitanander, en dem Ländle omanander
Au scho weiter fort sen mir damit scho gwea :]

Schultes, mir wünschet viel Erfolg, u älle hier im Saal
Dann isch dr Flegga en acht Johr, total klima-neutral
[: On mir schaffet mitanander, en dem Dörfle omanander
On mir lernat vonanander du on i :]